Nagdangat na sa indi magnubo 25 ka mga persona ang nagkalamatay humalin sang tinalikdan nga semana bangod sa malain nga tiyempo suno sa National Disaster Risk Reduction and Management Council.
Sa kabug-usan, siyam ka mga fatalities ang nareport sa Metro Manila.
Tag tatlo naman ka fatalities ang narekord sa Calabarzon, Western Visayas, Negros Island, Northern Mindanao samtang tag-isa sa Central Luzon, Mimaropa, Davao Region, kag Caraga.
Tatlo lamang sa nareport nga nagkalamatay ang kumpirmado sa karun.
For verification pa ang 22 kag pila sa mga ini ang natumbahan sang puno kag may yara man sang nalumos.
Bangud sa pag-ulan tuga sang habagat kag tropical cyclones Crising, Dante, kag Emong, walo ka mga persona ang napilasan kag walo ka iban pa ang missing.
