Kabug-usan nga 12 ka mga persona ang ginreport nga nagkalamatay bangud sa Bagyo Nika, Ofel, and Pepito nga nag-overlap sa isa kag isa sa sulod sang pila ka semana suno sa National Disaster Risk Reduction and Management Council (NDRRMC).
Nagikan sa 12 ka mga reported fatalities, lima ang kumpirmado samtang pito naman ang nagapabilin nga for validation.
Suno sa ahensya, 14 ang ginreport nga pilason samtang tatlo ang missing.
Kabug-usan nga 939,936 ka pamilya ukon kapin 3.5 million ka mga persona ang naapektuha sang tatlo ka mga bagyo kun sa diin 300,953 ka mga persona ang nagsaylo sa nagkalain-lain nga mga evacuation centers.
Kabug-usan nga 228 ka mga power supplies sang mga ciudad ukon munisipalidad ang naapektuhan apang 169 sa mga ini ang narestore na.
Samtang, 51,921 ka mga pamalay ang ginreport nga nagkalaguba sang tatlo ka mga bagyo kun sa diin 9,099 ang ginakonsiderar nga “totally damaged.”
