52 na ang napatay samtang 54 ang missing sa probinsya sang Negros Occidental bangud sa paglaslas sang Bagyo Tino.
Sa latest data sang Negros Occidental Provincial Disaster Risk Reduction Management Council, sa 52 nga mga napatay ang anum ang nagikan sa Bago, napulo sa La Castellana, duha sa Murcia, lima sa San Carlos, apat sa La Carlota, walo sa Hinigaran, Isabela isa, Moises Padilla siyam, Binalbagan anum kag Himamaylan isa.
Samtang sa 54 nga missing lima ang nagikan sa Bago, 18 nagikan sa La Castellana, duha sa San Carlos, onse sa La Carlota, isa sa Hinigaran, anum sa Isabela, kag 11 sa Hinigaran.
Sa interview sang Bombo Radyo Bacolod kay Irene Bel Ploteña, amat amat naman balik ang electricity sa mga LGUs apang problemado sagihapon ang mga telcos bangud erratic ang signal ilabi na ang mga yara sa bahin sang Canlaon City.
Suno kay Ploteña ang ginaubra sa karun sang mga ini amo ang pagpadala sang mga personnel agud magkuha sang data bangud mahina ang komunikasyon.
Mahimo naman maagyan halos ang tanan nga mga dalan nga apektado sang Bagyo Tino.
Sa karun padayon man ang pagpangita sang DRRMO sang k9 dogs agud nga magbulig sa search and retrieval operations.
Samtang kapin P35 million ang balor sang kahalitan nga ginbilin sang Bagyo Tino sa sektor sang agrikultura sang probinsiya sang Negros Occidental.
Nagdangat sa masobra P28.5 million ang kahalitan sa mga pananom nga ginalakipan sang bugas, mais kag high value crops.
Samtang P6.4 million naman ang damages sa fish sector.
