Nagapadayon ang search and retrieval operations sang mga otoridad sa mga namissing bangud sa halit nga gintuga ni Bagyo Tino sa Canlaon City, Negros Oriental.
Sa interview sang Bombo Radyo Bacolod kay Police Lt. Stephen Polinar, spokesperson sang Negros Oriental Police Provincial Office, nagdangat na sa 20 ang napatay sa Canlaon City samtang isa naman ang sa Vallehermoso.
Suno kay Polinar, ang napatay sa Vallehermoso ang bangud sa naligidan sang dalagko nga bato.
Halos tanan naman nga mga personnel sang NORPPO ang gindeploy para sa search and retrieval operations sa walo ka missing.
Samtang naglunsyar man ang NORPPO sang donation drive initiative para sa mga biktima sang naglabay nga bagyo.
Nagdangat sa 424 ka pamilya ukon 1,392 individuals ang nag-evacuate.
Suno kay Polinar nakatipon sila sang 100 food packs kag mga bayo nga ipanagtag sa mga biktima sang bagyo.
Ini nga aktibidad ang ginahimo sang mga kapulisan agud nga bisan paano mapamag-an ang ginabatyag sang mga pumuluyo.
