Tatlo na ang napatay bangud sa dengue sa ciudad sang Bacolod samtang nagdangat naman sa kabug-usan nga 602 ang dengue cases nga narecord sa ciudad.
Santo sa data 168 ang bag-o nga kaso kag ini ang narecord sang August 4 tubtob August 10, 2024.
Makita sa data nga narecord sa Barangay Taculing ang pinakamataas nga kaso nga may yara sang 77 cases; Barangay Bata nga may 62; Barangay Villamonte nga may 43; Barangay Estefania kag Barangay Mansilingan ang may tag 37 nga dengue cases; Barangay Cabug kag Barangay Granada ang may tag 33 ka dengue cases; Barangay Alijis nga may 28; Barangay Mandalagan nga may 27; Barangay Banago kag Barangay Sum-AG ang may tag 25; Barangay Tangub nga may 23 kag Barangay Sincang nga may 21.
Sa interview sang Bombo Radyo Bacolod kay Dr. Grace Tan, pinuno sang Environment and Sanitation Division sang Bacolod City Health Office; agud nga malikawan na ang pagsaka sang kaso sang dengue, ginapractice sa karun ang 4S sang Department of Health nga ginalakipan sang Search and Destroy” mosquito breeding places, “Secure Self Protection” gikan sa kagat sang lamok kag “Seek Early Consultation”.
Ginpahayag man ni Tan nga sa kampanya batok sa dengue, amo ang pagpangita sang mga ginaitlugan sang lamok agud nga gub-on ini.
Ini bangud kun may yara sang nagapangitlog nga mga lamok nga infected sang dengue virus, magadamo man ang kaso.
Nagpanugyan man si Tan nga agud nga malikawan nga matapikan sang balatian nga dengue kinahanglan nga siguruhon nga may self protection kaangay sang paggamit sang insect repellant.
Ginpahayag man sini nga nagapatigayon lamang sang fogging kun may clustering sang dengue cases apang kun wala sang kaso sang dengue ginadiscourage nila ini.
