Kabug-usan nga 396 ka mga persona sa bilog nga Pilipinas ang nagkalamatay subong nga tuig bangud sa dengue kadungan sang pagsaka sang kaso subong nga tig-ululan.
Sa data sang Department of Health, ang 396 ka mga nagkalamatay ang narekord humalin Enero 1 tubtob Agosto 10, 2024.
Ini ang mas manubo sang sa 421 ka mga nagkalamatay sa kaangay nga period sang tinalikdan nga tuig.
Sa kabug-usan, 13,369 ka mga kaso sang dengue ang narekord sa bilog nga pungsod sumugod Enero 1 tubtob Agosto 10 nga mas mataas sang 39 porsyento kun ikumparar sa kaangay nga period sang 2023 nga may yara sang 107,953 dengue cases.
Sang Lunes, ginpahayag ni Health Secretary Ted Herbosa nga magadeklarar ini sang isa ka dengue outbreak kadungan sang pagsaka sang numero sang mga kaso sa pungsod nga sa karun yara na sa “outbreak levels.”
