Napatay bangod sa epekto sang mabaskog nga ulan dala sang Shear Line sa Davao Region, nagdangat na sa walo

Patay ang indi magnubo sa walo ka tawo bangud sang mabaskog nga pag-ulan tuga sang shear line sa Davao Region.

Suno kay Office of Civil Defense (OCD) Region XI Director Ednar Dayanghirang, apat sa napatay ang gikan sa Davao de Oro samtang ang iban naman ang narecord halin sa Davao Oriental.

Paathag sini, ang tanan nga napatay ang bangud sa pagkatiphag sang duta kasunod sang madamol nga pag-ulan.

Ginabanta 20,000 ka pamilya ang naapektuhan sang shear line sa Davao de Oro.

Nagdangat naman sa P376 million ang nahalitan sa agrikultura sa nasambit nga probinsya.

Ginpahayag ni Dayanghirang nga kinahanglanon nga kay-uhon ang drainage system sa mga main road agud malikawan ang pagbaha.