Nagsaka na sa 150 ang reported nga nagkalamatay bangud sa ginhugpong nga epekto ni Severe Tropical Storm Kristine kag Super Typhoon Leon kun sa diin 115 ang napilasan samtang 29 ka mga indibidwal ang padayon pa nga ginapangita.
Si Severe Tropical Storm Kristine ang nagbiya na sa Philippine area of responsibility sang tinalikdan nga semana matapos nga nagbilin sang indi maayo nga epekto sa Luzon kag Visayas samtang si Super Typhoon Leon ang padayon pa nga nagalaslas sa extreme northern Luzon.
Sa ginrelease nga bulletin sang NDRRMC sang Huwebes sang aga, wala ginspecify ang numero sang mga nagkalamatay nga naangot sa tagsa ka mga bagyo apang sa una nga mga reports, kalabanan sa mga fatalities ang bangud sa Bagyo Kristine, ang pinakamakamamatay kag makahalalit nga bagyo nga nag-igo sa Pilipinas so far subong nga tuig.
