Napatay bangod sa mabaskog nga pag-ulan kag pagbaha sa Vietnam, nagdangat na sa 35

Indi magnubo sa 35 ka mga persona ang nagkalamatay bangud sa mabaskog nga pag-ulan kag pagbaha sa Vietnam.

Ang nagbubo nga ulan sa Vietnam sang weekend ang nagdangat sa tubtob 1.7 meters ukon 5 feet and 6 inches sa sulod lamang sang 24 ka oras humalin Domingo tubtob Lunes.

Ang 35 ka mga fatalities ang narekord sa mga probinsya sang Hue, Da Nang, Lam Dong kag Quang Tri.

Suno sa mga residente, ginkakibot sang tanan ang pagbaha.

Apisar nga ila ini ginpreparahan, wala sila naglaom nga mangin tuman kataas ang tubig.

Madamo sang mga kagamitan kag pamalay ang nagkalaguba kag sa karun nagapadayon ang mga residente sa pagpangayo sang bulig sa halit nga gintuga sang malain nga tiyempo.