Napatay bangod sa malala nga pagbaha sa China, nagdangat na sa 60

Nagdangat na sa indi magnubo 60 ka mga persona ang nadulaan sang kabuhi bangud sa lapnagon nga pagbaha sa China humalin sang tinalikdan nga semana.

31 sa mga fatalities ang nagikan saisa ka elderly care home sa Miyun district sa Beijing bangud sa pagbaha, nga ginakabig nga pinakamakamamatay nga nag-igo sa China humalin sang nagliligad nga mga tinuig.

Sa Beijing, kabug-usan nga 44 ka mga persona ang napatay samtang siyam ka mga indibidwal ang missing.

Nagsugod nga nabatyagan ang mabug-at nga pag-ulan sang tinalikdan nga semana sa Beijing kag sa mga nakapalibot nga probinsya kag nagpeak ini sang Lunes.

Sa kaingod nga probinsya sang Hebei, napatay ang 16 ka mga persona bilang resulta sa gihapon sang makusog nga pag-ulan.