Nagdangat na sa walo ang gin-report nga ginbawian sang kabuhi tuga sang epekto sang Habagat kag mga nakaligad nga mga bagyo nga sanday Bagyong Luis kag Maymay, santo sa pinakaulihi nga datos sang National Disaster Risk Reduction and Management Council (NDRRMC).
Ginkumpirmar sang ahensya kahapon, may duha ka indibidwala ng nautas ang kabuhi sa Rizal bangud sa rockslide; duha sa Batangas matapos malumos kag tuga sang electrocution; duha sa Benguet bangud sa landslide; kag duha sa La Union bangud sa landslide, electrocution, kag pagkalumos.
May gin-report naman nga missing sa Batangas kag pito ang pilason sa Benguet bangud sa landslide kag aksidente sa salakyan.
Samtang, padayon ang pagbaha sa pila ka mga bahin sang Ilocos Region, Central Luzon, MIMAROPA, Cordillera Administrative Region, kag CALABARZON bangud sa wala untat nga pagbubu sang madamol nga ulan.
