Napulo ang patay samtang 24 naman ang missing sa banwa sang La Castellana, Negros Occidental bangud sa pagtupa sang Bagyo Tino sa lugar.
Sa interview sang Bombo Radyo Bacolod kay La Castellana Mayor Añejo Nicor, ang mga nagkalamatay ang nagikan sa Barangay Sag-Ang, Barangay Robles kag Barangay Cabagnaan.
Suno kay Nicor ang mga nagkalamatay kag ang missing ang kasunod sang pagluntad sang baha sa banwa matapos nga ang tubig ang wala na nag-agi sa waterways.
Ini bangud nasupnan na sang mga volcanic materials nagikan sa Bulkan Kanlaon ang mga alagyan sang tubig-baha sa banwa.
Sa napulo ka mga napatay may yara sang magpamilya kag duha lamang diri ang wala pa natumod.
Nagapadayon man sa karun ang search operation sang banwa sa mga nagkaladula nga mga residente bangud sa tubig-baha.
Bangud sa dako nga volume sang tubig-baha may hanging bridge kag taytay ang nagkalaguba.
Magluwas diri madamo nga mga balay ang nagkalaanod sang tubig-baha.
Nagapanawagan ini sa national government nga madasig nga mahatagan sang bulig ang mga evacuees nga nagapabilin sa evacuation centers sang banwa.
Pila sa mga kinahanglanon sang mga ini ang tubig, fuel kag mga pagkaon.
