Indi magnubo sa 19 ka mga persona ang nagkalamatay sa Jamaica bangud sa paglaslas sang Hurricane Melissa samtang nagapadayon sa karun ang search kag rescue efforts sa mga area nga naapektuhan sang bagyo.
Ang bagyo, nga isa sa ginakabig pinakamakusog nga nag-igo sa Caribbean, ang gintunaan man sang kamatayon sang indi magnubo 30 ka mga persona sa Haiti.
Nagapabilin sa gihapon nga wala sang kuryente sa kalabanan nga bahin sang Jamaica samtang ginatuyo nga salbaron sang mga pumuluyo ang ila puluy-an kag nabilin nga mga gamit nagikan sa baha kag lunang.
Pila man ka bahin sang pungsod ang wala sa gihapon sang tubig kag ginakulang sang pagkaon.
Amat-amat naman nga nagaabot ang mga ayuda kadungan sang amat-amat man nga pagbalik sa normal sang airport sa Kingston, ang capital sang Jamaica.
