Dako ang kontribusyon sa hanay sang militar sang napatay nga suldado sa engkwentro batok sa gina-alegar miyembro sang New People’s Army sa boundary sang Tanjay kag Bayawan City, Negros Oriental kahapon sang aga.
Ang napatay ang ginkilala nga si Corporal Reynold Gardose, 29 anyos, residente sang probinsya sang Capiz, samtang nasamaran naman ang isa ka Private First Class.
Sa interview sang Bombo Radyo Bacolod kay Technical Sgt Panuncialman, senior officer sang mga biktima, si Gardose ang na-assign sa ila sang 2019.
Ini ang masinulundon kag wala gid nagahatag sang problema sa tropa.
Suno sa senior officer, utod na ang pagkabig sini sa biktima.
Suno diri, nadischarge gilayon ang Private First Class nga nag-agom lamang sang minor injury, samtang ang lawas ni Gardose ang gindala na sa punerarya agud didto na lamang bisitahon sang iya pamilya.
