Nagdangat na sa 16 ka mga indibidwal ang napatay samtang 40 pa ang nagapabilin sa ospital matapos ang mass shooting sa Bondi Beach sa Australia kahapon.
Suno sa report, yara na sa kustodiya sang mga kapulisan ang mga suspek kag yara sa kritikal nga kahimtangan matapos nga maigo sang bala sang nagbayluhanay sang lupok sa mga otoridad.
Samtang, ginlaragway naman ni Australian Prime Minister Anthony Albanese ang insidente ang “shocking and distressing”.
Sa pihak nga bahin, wala pa sang ginhatag nga impormasyon ang mga otoridad nahanungod sa rason sang insidente samtang nagapadayon ang imbestigasyon.
Ginkondenar man ni Albanese ang nasambit nga mass shooting kag ini ang gintawag nga “act of evil antisemitism” nga may tinutuyo nga manghalit sa komunidad sang mga Hudyo sa Australia.
Ang insidente ang natabo samtang ginasaulog sang mga Hudyo ang Pasko ng Pag-iilaw ukon Hanukkah, kag ang insidente ang nagbilin sang kahadlok kag kahangawa sa Jewish community sa pungsod.
Ginbasol ni Israeli Prime Minister Benjamin Netanyahu kag sang iban pa nga mga opisyal sang Israel ang gobyerno sang Australia bangud sa nagalala nga antisemitism sa pungsod.
Ginkumpirmar man sang mga otoridad nga ang pagpangluthang ang isa ka terroristic attack apisar nga wala pa matumod ang motibo sang kriminal.
