Napatay sa nasunog nga MV June Aster sa Coron, Palawan, nagdangat na sa 76

Naglab-ot na sa 76 ang napatay sa nasunog nga M/V June Aster sa Coron, Palawan.

Sang Sabado sang gab-i, narekober sang Philippine Coast Guard (PCG) ang dugang nga 41 ka mga bangkay.

Ginpahayag ni PCG spokeswoman Commodore Noemie Cayabyab nga gindala na ang mga bangkay sa pantalan sang Coron, Palawan.

Ang una nga 30 ka mga bangkay ang ginturn-over na sa mga forensic experts para sa pagproseso kag pagkilala.

Bangud sini, naglab-ot na sa 76 ang kumpirmado nga napatay lakip na ang lima ka mga biktima nga napatay gilayon kasunod sang insidente.

Padayon naman ang search and rescue operations agud makit-an ang iban pa nga mga pasahero sang sakayan pandagat nga nasunog sang Setyembre 9.