Nagsaka na sa 128 ang numero sang mga nagkalamatay sa sunog nga nagluntad sa residential estate sa Tai Po, Hong Kong.
Nagpalab-ot sang pagpakig-unong si Secretary for Security Chris Tang sa mga nalisdan nga pamilya kag mga persona nga naapektuhan sang sunog sa karun nga madamo sa gihapon ang missing ukon padayon pa nga ginapangita.
Suno sa fire service chief sang ciudad, nagmalfunction ang fire alarms sa residential estate buildings nga gintupok sang kalayo sang Miyerkules.
Suno kay Director of Fire Services Andy Yeung, magahimo sila sang enforcement actions batok sa mga contractors nga responsable.
Samtang, ginpahayag sang Consulate General of the Philippines sa Hong Kong nga padayon pa sa karun nga ginatumod kag ginabuligan ang mga Filipino nga naapektuhan sang sunog.
Sa karun, ginkumpirmar sang mobile teams sini ang 58 ka mga persona nga safe samtang isa ang pilason kag isa ang missing.
Ginaverify pa man sa karun ang status sang 91 ka mga Filipino nga nakaregister sa Wang Fuk Court.
