Nagdangat na sa 35 ang numero sang mga ginbawian sang kabuhi matapos gintay-og sang magnitude 7.8 nga linog sa Mindanao, santo sa Office of Civil Defense (OCD).
Sa 35 nga indibidwal, 31 ang narecord sa SOCCSKSARGEN kag apat naman sa Davao Region.
Sa bahin sang Sarangani ang may pinakadamo nga nautas ang kabuhi sa diin may yara sang 17 ka mga biktima, kalakip ang 14 nga napatay sa banwa sang Glan.
Narecord man ang 134 nga pilason kag indi manaug sa 12 ka persona ang nadula.
Padayon pa ang rescue operations sa mga apektado nga lugar samtang nagpaandam ang mga otoridad sa mga makusog nga aftershocks.
Temporaryo man nga ginsirado ang General Santos Airport kag ginsuspender man ang mga klase sa mga buluthuan sa Mindanao.
Nagpanawagan man si President Ferdinand Marcos Jr. sa mga residente sa baybayon nga bahin nga gilayon magbakwit kag magkadto sa matag-as nga lugar para sa ila seguridad.
