Nagdangat na sa 14 ang mga ginbawian sang kabuhi samtang 37 naman ang pilason sa panibag-o nga airstrike sang Israel sa Lebanon, suno sa health ministry.
Kalakip sa mga biktima ang duha ka bata kag duha ka babayi, samtang isa naman ka Israeli nga sundalo ang nareport nga napatay.
Nagpaandam ang Israeli military sa mga residente nga temporaryo nga magbakwit kag ila ginpaathag nga ang target sang operasyon amo ang Hezbollah bangud sa ginaalegar paglapas sa ceasefire.
Nagsabat naman ang Hezbollah nga padayon ang ila nga pagpang-atake samtang nagapadayon man ang operasyon sang Israel sa ila nga teritoryo.
Apisar may kasugtanan na nga ginpangunahan ni U.S. President Donald Trump, nagapabilin nga nagabaylohanay sang opensiba ang duha ka kampo.
Santo sa datos, nagdangat na sa masobra 2,500 ang nga napatay humalin sang Marso, kalakip ang mga sibilyan, kababainhan, kag mga kabataan.
