Napatay sa serye sang mga pag-atake sang Israel sa Lebanon, nagdangat na sa 16

Kapin 16 ka mga indibidwal ang ginbawian sang kabuhi kag masobra 50 naman ang pilason matapos ang serye sang pagpang-atake sang Israel sa southern Lebanon, santo sa Lebanese health authorities.

Kalakip sa mga napatay amo ang anum ka miyembro sang isa ka pamilya nga naiguan sang Israeli drone strike samtang nagabakwit padulong sa Adloun Highway.

Ginpasangkad man sang Israel ang pagpangbomba sa mga residential area, kalsada, kag iban pa nga imprastraktura sa rehiyon.

Sa pihak nga bahin, liwat nga gin-atake sang Israeli fighter jets ang isa ka building sa Beirut, samtang linibo naman ka residente ang napilitan nga magbakwit matapos magpagwa ang Israel sang evacuation orders sa southern Lebanon.