Nagdangat na sa indi magnubo 24 ka mga persona ang nagkalamatay bangud sa wildfire outbreak sa South Korea kun sa diin ang wala ginlauman nga damage ang nagtuga sang pagpamahog sa duha ka mga United Nations Educational, Scientific and Cultural Organization (Unesco)-listed sites.
Masobra dinosena ka mga sunog ang nagluntad sang weekend nga nagpwersa sa kapin 27,000 ka mga persona nga mag-evacuate kun sa diin ang sunog ang nagpugong sa mga dalanon agud nga malabyan kag nagpauntat sang communication lines.
Wala nalikawan sang mga pumuluyo ang magpanic samtang nagdangat na sa indi magnubo 24 ang nadulaan sang kabuhi samtang 12 naman ang pilason.
Kalabanan sa mga nagkalamatay ang local residents apang indi magnubo sa tatlo ka mga bombero ang nagkalamatay kag isa ka piloto sa isa ka firefighting helicopter sang nagcrash ang eroplano sini sa nabukid nga area.
