Nagdangat na sa indi magnubo 28 ka mga persona ang nagkalamatay bangud sa ginakabig pinakamalala nga nature fire disaster sa South Korea.
Masobra 38,000 hectares ukon 93,900 acres ang nagakasunog sa karun nga nagsugod sa central Uiseong county kag natupok man ang historic temples sa pungsod, rason kun ngaa ang makabig ini sa karun nga pinakadako nga single forest fire sa maragtas sang South Korea.
Ang nagligad nga record ang nagdangat sa 24,000 hectares ukon 59,000 acres sa isa ka sunog nga nagluntad sang Marso 2000.
Suno kay Acting President Han Duck-soo, yara sa karun sa isa ka kritikal nga kondisyon ang pungsod bangud sa madamo nga mga casualties sang wala ginlauman nga paglapta sang forest fires.
Sang Huwebes sang gab-i, nag-ulan sa pila ka bahin sang apektado nga rehiyon samtang ginalauman man ang pag-ulan sa pungsod subong nga Biyernes.
