Napulo na ang ginreport nga napatay bangud sa wildfires nga nagsunog sa linibo nga mga pamalay kag padayon pa nga nagahalit sa Los Angeles sa Amerika.
Ginpatawag naman ang National Guard soldiers agud magbulig in kaso nga makaangkon sang ginamo.
Gin-anunsyar sang Los Angeles County Medical Examiner sang Huwebes sang gab-i ang nagtaas nga numero sang mga fatalities sa nagapadayon pa nga wildfire.
Wala naman untat ang operasyon sang mga bombero tubtob sa gab-i, nga gin-updan pa sang mga helicopter nga nagabubo sang tubig bangud sa temporaryo nga pag-untat sang hangin.
Apang may bag-o naman nga mga kalayo nga nagatuhaw.
Bangud man sa mga report sang lotting ukon pagpangawat, ginpahayag ni Los Angeles County Sheriff Robert Luna nga plano nga magpatuman sang curfew kun gab-i kag ang mga National Guard ang pagamanduan nga magapatrolya sa mga apektado nga lugar.
