Ginsiguro sang National Police Commission (NAPOLCOM) nga mangin patas ang ila imbestigasyon batok sa 12 ka pulis nga naulamid sa kaso sang missing sabungeros.
Madumduman nga ginpapanaugan sang komisyon ang nasambit nga mga pulis sang 90 days preventive suspension.
Suno kay NAPOLCOM Vice Chairperson at Executive Officer Rafael Vicente Calinisan, tinutuyo sang nasambit nga tikang nga mapabilin ang integridad sang imbestigasyon.
Ini ang makabulig man agud malikawan ang maskin ano nga impluwensya sa mga witness kag igalatag nga ebidensya.
Nalakip sa mga ginpapanaugan sang suspension sanday Police Colonel Jacinto Malinao Jr., P/LtCol Ryan Jay Eliab Orapa, P/Major Mark Philip Simborio Almedilla kag iban pa.
Ginpapanaugan man ini sang kaso nga Grave Misconduct kag Conduct Unbecoming of a Police Officer.
Sila ang nalakip sa mga gin-akusahan sang whistleblower nga si Julie ‘Dondon’ Patidongan nga may kaangtanan sa pagkadula kag pagpatay sa mga missing sabungeros.
