Napulo ka adlaw nga ayuda ban ipatuman sang COMELEC

Nagpagwa sang advisory ang Commission on Election (COMELEC) nga magapatuman ang commission sang napulo ka adlaw nga ayuda ban.

Suno kay COMELEC Chairman George Garcia, dumilian ang ano man nga sahi sang ayuda halin Mayo 2 tubtub Mayo 12.

Dugang pa ni Garcia, nalakip sa 10-day ban ang Assistance to Individuals in Crisis Situations (AICS), Tulong Panghanapbuhay sa Ating Disadvantaged/Displaced Workers (TUPAD), 4Ps, kag Ayuda para sa Kapos ang Kita Program (AKAP).

Suno pa kay Garcia, exempted lamang ang medical kag burial assistance.

Una nga ginhatagan sang exemptions ang financial assistance programs para sa poll spending ban sang COMELEC antes pa gin anunsiyo ang 10 days ayuda ban.