Ginpahayag sang Department of Justice (DOJ), nga napulo ka mga suspetsado na sa pagpatay kay Negros Oriental Governor Roel Degamo ang nagatudlo kay Negros Oriental Representative Arnolfo “Arnie” Teves Jr. nga imbulbado sa krimen.
Paathag ni Justice Secretary Jesus Crispin Remulla nga ang mga statements nga gin-issue ang nagatudlo sa involvement sang gobernador sa kaso.
Santo sa DOJ, yara na sa ila nga paghinakop ang 10 ka mga statements gikan sa mga suspetsado nga nagatudlo kay Teves sa pagpapatay kay Degamo kag walo ka iban pa.
Kalakip sa mga naga-angot kay Teves sa krimen amo ang mismo nga mga miyembro sang assault team nga nagpatay sa gobernador.
Nagapati si Remulla nga ini ang nagakaigo na nga ebidensya apang ini ang magadepende pa sa requirement sang panel of prosecutors, gani ginapakamaayo sini kun madugangan pa ang mga impormasyon.
Apang sa karun, si Teves ang indi pa makabig nga pugante bangod nagapadayun pa ang proseso sang layi.
Suno kay Remulla, si Teves ang wanted para sa questioning bangod madamo ini sang dapat nga athagon, gani kaangay nga nagalikaw ini sa indi pagsunod sa mga summons.
Madumduman nga si Congressman Teves ang nagbalibad sa pagbalik sa pungsod bangod sa kahangawa para sa iya nga kabuhi.
Ginsurrender naman ni former Negros Oriental governor Pryde Henry Teves, ang utod sang suspended Congressman, ang mga armas-luthang sini sa Bayawan City Police Office para sa safe keeping.
Nagsumiter naman ini sang waiver nga nagapahayag nga siya ang nakahanda nga ipakita ang kaundan sang iya nga mga bank accounts kag tanan nga means of communications agud mapamatud-an nga wala siya sang ihibalo sa pagpatay kay Governor Degamo.
Panindugan ni Remulla nga ang waiver ni former Governor Pryde Teves ang separado sa kay suspended Congressman Arnie Teves, gani ginapakamaayo sini nga magsumiter man sang waiver ang Kongresista.
