Nasunog ang napulo ka Olympic medals sang American swimmer nga si Gary Hall Jr. bangud sa lapnagon nga wildfires sa Los Angeles County sa California.
Natigayon nga masalbar sang three-time Olympian kang iya ido nga si Puddles samtang ini ang nagpalagyo sang nagluntad ang sunog.
Ginhingagaw man sini dala ang insulin bangud isa man ka diabetic patient si Hall Jr. nga na-diagnose sa nasambit nga balatian sadtong 1999.
Kalakip sa gindala sini sa pagpalagyo sa sunog amo ang painting sang iya Lolo, kag ang isa ka religious artifact.
Plano pa sini kuntani nga balikan ang iya nga mga Olympic medal apang wala na sang panahon pa bangud madasig ang paglapta sang kalayo.
Ang mga nadula kay Hall ang ginlakipan sang duha ka silver nga mga medalya kag isa ka bronze nga nadag-an sang 1968, 1972 kag 1976 Olympics.
Nakalangoy siya para sa Team USA sang 1996, 2000 kag 2004 Olympics kun sa diin kabug-usan nga five golds, three silvers kag two bronze ang iya nadag-an sa Olympics.
