Nagdangat sa kapin napulo ka tawo ang napatay nga lunsay Syrian nationals sa ginlunsyar nga strike sang Israel sa isa ka residential building sa Nabatieh city sa southern Lebanon kahapon suno sa Lebanese health ministry.
Kalakip sa mga napatay ang isa ka babayi kaupod ang duha ka bata sini samtang nasamaran ang lima ka iban pa kun sa diin duha ang yara sa kritikal ang kahimtangan
Suno naman sa Israeli military, ginkumpirmar nga naigo sang ila nga air force ang weapons storage facility sang Hezbollah sa may Nabatieh, 12 kilometers gikan sa Israeli border.
Madumduman nga nagasanyog pa ang tensyon sa rehiyon sa mga nakaligad nga adlaw matapos ang makahalalit nga rocket strike nga gina-akupar sang Israel nga Golan Heights nga ginabasol nga Lebanese militant group nga Hezbollah.
Ginbaslan naman ini sang Israel sang strike nga ginkamatay sang top Hezbollah commander nga si Fuad Shukr sa Beirut.
Nagpangako naman ang Hezbollah nga itimalos nila ang kamatayon sang ila nga leader kasubong man ang ila nga kaalyado nga Iran ang nagpaandam man nga magabalos bangud sa pagkamatay sang Hamas political leader nga si Ismail Haniyeh sa ila mismo nga teritoryo sa Tehran.
