Indi magnubo 6,311 ka mga aftershocks nagikan sa magnitude 6.9 nga linog sa Cebu ang narekord sang Philippine Institute of Volcanology and Seismology.
Suno sa PHIVOLCS, ang aftershocks ang yara sa tunga sang magnitude 1.0 tubtob magnitude 5.1.
Sa 6,311 ka mga aftershocks, 28 ang nabatyagan samtang ang iban ang nadetect sang seismic instruments sanga hensya.
Gin-abisuhan ni PHIVOLCS director Dr. Teresito Bacolcol ang mag residente sang Cebu nga lauman kag magpreparar sa madamo pa nga mga aftershocks sa masunod nga mga inadlaw.
Ginrekomendar man sini sa mga residente nga magpangayo sang opinion ukon clearance nagikan sa ila municipal ukon city engineers kun may yara sila sang pagpangduha-duha sa structural integrity sang ila balay ukon buildings.
