Isa palang ang na-record sang Negros Occidental Police Provincial Office (NOCPPO) nga biktima sang palupok sa pagsaulog sang paskwa kag Bag-ong Tuig.
Sa interview sang Bombo Radyo kay NOCPPO Spokesperson Police Captain Judesses Catalogo, sa assesment sang kapulisan matapos ang siyam ka adlaw nga simbang gabi, nangin matawhay ang pagselebrar sang paskwa sa bilog nga Negros Occidental.
Suno diri, na-maintain sang mga kapulisan ang pagpasiguro sang seguridad sa bilog nga probinsya.
Apang may isa ka narecord nga insidente nga nalukpan sang firecracker nga gintakluban sang lata sang isa ka lalaki.
Pahanumdom sini nga ginadumili ang pagbaligya sang mga ilegal nga palupok.
Samtang, padayon ang deployment sang mga kapulisan sa nagkalain-lain nga area sang probinsya.
Ginapanugyan man ang paggamit sang alterntibo kaangay sang torotot ukon iban pa nga makatuga sang gahod, nga indi makahalit.
Panawagan ni Catalogo sa mga ginikanan nga bantayan ang mga kabataan nga indi makabakal sang mga delikado nga mga palupok.
