Nagdangat na sa halos P10 billion ang na-record nga halit sa sektor sang agrikultura tuga sang El Niño, santo sa pinakabag-o nga datos sang Department of Agriculture (DA).
Ang epekto sini ang ginalauman nga maglawig pa tubtob sa madason nga tuig.
Ang halit ang na-record sa Cordillera Administrative Region, Ilocos Region, Cagayan Valley, Central Luzon, CALABARZON, MIMAROPA, Bicol Region, Western Visayas, Negros Island Region, Central Visayas, Eastern Visayas, Zamboanga Peninsula, Northern Mindanao, Davao Region, SOCCSKSARGEN, kag Caraga.
Apektado naman ang 324,327 ka mga mangunguma, samtang 323,419 hectares ang kahalitan sa mga agricultural areas.
Sa kabug-usan nga kapierdihan nga na-record, ang mais ang may pinakadako nga bahin nga nagdangat sa P5.63 billion.
Nagsufrer man ang bugas, nga may P3.65 billion nga kahalitan.
Una na nga ginpahayag sang DA nga ila ginaduso P61.99 billion nga action plan agud mapahagan-hagan ang epekto sang El Niño sa suplay sang pagkaon kag palangabuhian.
