Nagsaka na sa 589 ka mga indibidwal ang narecover nga ginbawian sang kabuhi samtang linibo-libo naman ang pilason kag missing sa Venezuela matapos gin-igo sang Magnitude 7.2 kag 7.5 nga linog sang Hunyo.
Sa nagkalain-lain nga ciudad, nagabinuligay ang mga pumuluyo kag nagapatigayon sang search and rescue sa mga natiphag nga establisyemento agud pangitaon ang mga himata nga posible na-trap sa idalom.
Suno kay acting president Delcy Rodríguez, padayon ang search and rescue operations sa bulig sang mga lokal kag foreign rescue teams.
Labing apektado ang estado sang La Guaira, sa diin gindeploy ang mga suldado kag mga rescue workers para sa pagpangita sang mga survivors kag pagpanagtag sang pagkaon kag tubig.
Suno diri, pila naman ka dosena sang tawo ang naluwas nga ginkalipay sang ila mga himata sa pihak sang natabo nag trahedya.
Base sa mga international organizations, mahimo maapektuhan sang linog ang minilyon ka mga tawo sa Venezuela.
