Narecord nga napatay sa pagtay-og sang 7.4 magnitude nga linog sa Colombia, nagsaka na sa masobra 200

Nagdangat na sa masobra 200 ka mga indibidwal ang ginbawian sang kabuhi matapos nag-igo ang magnitude 7.4 nga linog sa Colombia samtang nagapadayon ang rescue operations sa pungsod.

Santo sa United Nations Office for the Coordination of Humanitarian Affairs (OCHA), hindi magnubo sa 126 ka tawo ang kumpirmado nga napatay kag 1,495 naman ang nasamaran base sa opisyal nga datos sang Lunes sang gab-i.

Apang, ginabanta naglabg-ot na sa 224 ang numero sang mga napatay santo sa mga lokal nga otoridad kahapon sang Martes.

Halos 5,000 naman ka mga pamalay ang nahalitan, samtang pila man ka mga establisyemento ang nagkalatiphag.