49 na ang narekord nga napatay samtang 52 naman ang missing sa probinsya sang Negros Occidental bangod sa bagyo Tino.
Santo sa datos sang Provincial Disaster Risk Reduction and Management Office as of 5:00 pm kahapon, sa ciudad sang Bago anum ang patay kag lima ang missing; sa banwa sang La Castellana 12 ang patay kag 18 ang missing; sa banwa sang Murcia duha ang patay kag wala sang missing; sa ciudad sang San Carlos lima ang patay kag duha ang missing; sa ciudad sang La Carlota apat patay kag 11 ang missing; sa banwa sang Hinigaran pito ang patay kag duha ang missing; sa banwa sang Isabela isa ang patay kag tatlo ang missing; sa banwa sang Moises Padilla anum ang patay kag 11 ang missing; sa banwa sang Binalbagan may apat nga patay kag wala sang missing; samtang sa banwa sang Pontevedra kag ciudad sang Himamaylan may tag-isa ka patay kag wala sang nareport nga missing.
Suno kay Office of the Civil Defense – Negros Island Region Director Donato Sermeno III, kalabanan sa rason sa pagkapatay sang mga biktima amo ang nagluntad nga flashfloods.
Suno diri, padayon ang ila search and retrieval sa mga namissing tubtob nga sila makit-an.
Suno kay Sermeno, problema man sa karun ang pagkadula sang kuryente kag signal amo nga mabudlay ang paghaboy sang impormasyon kag pag-assess sa sitwasyon sa lugar.
Bangod sini, may yara sang ibutang nga internet connection sa mga lugar nga tuman nga naapektohan kag may tag-duha ka generator set nga ipanghatag sa affected LGUs kag sila na ang madesisyon kun diin nila ini ibutang.
