Gin-anunsyar sang Philippine National Police nga masobra P20 billion nga balor sang illegal nga druga ang nakumpiskar sa ila mga operasyon subong nga tuig.
Suno kay PNP chief Police General Francisco Marbil, ang anti-drugs campaign sang Marcos government ang nakakumpiskar sang kabug-usan nga P20.7 billion nga balor sang illegal nga druga humalin Enero 1 tubtob Disyembre 15, 2024.
Ang nasambit nga numero ang mas mataaas sang 101 percent kun ikumparar sa 2023 drug war figures.
Suno kay Marbil, 46,821 ka mga anti-drug operations ang ginpatigayon sang nagkalain-lain nga mga police units sa bilog nga pungsod nga gintunaan sang pagkaaresto sang 57,129 ka mga indibidwal.
Ang nakumpiskar nga mga illegal nga druga ang ginalakipan sang shabu, marijuana, ecstasy, cocaine, ketamine kag kush.
