Narekober ang 30 ka mga bangkay naggikan sa MV June Aster kahapon, sa diin nagsaka na sa 35 ang death toll.
Gintupok sang kalayo ang MV June Aster sang Miyerkules sang gab-i, samtang ini ang yara sa katubigan sang Coron, Palawan.
Napaslawan naman nga magpatigayon gilayon sang search and retrieval operations bangud sa kadakuon sang kalayo dugang pa sang malain nga tiempo, apang gindeklarar na kahapon nga fire out, pasado alas-10:00 sang aga.
Suno kay PCG spokesperson Commodore Noemie Cayabyab, nag-umpisa ang retrieval kag pag-transfer sang mga bangkay mga alas-5:16 sang hapon paagi sa BRP Cape Engaño (MRRV-4411).
Natalana nga pagadal-on ang mga bangkay sa Port of Borac sa Coron, Palawan subong nga adlaw, Sabado, Setyembre 12 kag ginabanta magaabot sa pantalan alas-11:00 sang aga.
Antes pa man narekober ang 30 ka mga napatay, lima pa lamang ang una nga nakumpirmar nga ginbawian sang kabuhi samtang 43 naman ang survivors.
