Nagdangat na sa 18 ang kumpirmado nga napatay sa paglugdang sang Roll on Roll off (RoRo) vessel sa kadagatan nga sakop sang Basilan kaina sang kaagahon.
Suno sa Philippine Coast Guard (PCG), may masobra 20 pa nga nagapabilin nga missing samtang 316 ka pasahero kag crew ang naluwas gikan sa insidente.
Ang M/V Trisha Kerstin 3 nga ginapanag-iyahan sang Aleson Shipping ang padulong sa Jolo, Sulu ang naglugdang kapin ala-1:50 sang kaagahon.
Santo sa passenger manifest sang barko, 359 ang sakay sini nga ginabug-usan sang 332 ka pasahero kag 27 ka crew.
Padayun pa sa karun ang search and rescue operations sang PCG, kabulig ang Philippine Navy kag Philippine Air Force.
Lakip sa ginalantaw nga rasun sang paglugdang sang barko ang mabaskog nga pagbalod kag madamol nga ulan.
Yara man ang Philippine Red Cross, nga nagabulig sa paghatag sang first aid sa mga biktima sang insidente.
Nagapanawagan ang otoridad sa publiko nga maghalong sa pagbyahe ilabi na sa karun nga Amihan season.
