Narehistro sa ulihi nga adlaw sang COMELEC voter’s registration sa Bacolod City kahapon, nagdangat sa 1,200

Ginkalipay sang election officer sang Commission on Elections Bacolod nga madamo sang mga pamatan-on ang nagparehistro agud nga makaboto.

Sa interview sang Bombo Radyo Bacolod kay Atty Katrina Trinio Caña, nagdangat sa 1200 ka mga registrants ang na-cater sang Comelec Bacolod sa ulihi nga adlaw sang voters registration.

Suno kay Caña, ang common nga mga challenges amo ang mga kulang nga requirements sang mga magaparehistro.

Suno diri, sa mga kulang ang requirements ginapabalik lamang nila ini.

Humalin sang aga tubtob kapin alas 7:00 ang takna kagab-i ang pagcater sang Comelec Bacolod sang mga luyag magparehistro.

Suno kay Caña, natapos na ang voters registration kag ang Election Registration Board (ERB) hearing ang patigayunon sa June 1.