Subong nga panahong high tech na ang tanan kun sa diin madamo naman sang mga discoveries.
Nakadiskubre ang NASA Curiosity rover sang dako nga organic molecules nga nakita sa Mars kun sa diin dako nga tikang para sa space station agency nga magpangita sang mga palatandaan sang possible nga nagakabuhi sa ginakabig nga Red Planet.
Suno sa NASA, natukiban nila ang tatlo ka long-chain organic molecules sa mga ginkuha nila nga rock sample nagikan sa Gale Crater sang planeta kun sa diin nakita nila ang mga organic molecules kaangay sang decane, undecane, kag dodecane.
Ang mga ini ang possible nga mga piraso sang fatty acids kaangay sang yara sa Earth nga may papel sa pagdihon sang cell membranes kag iban pa nga biological functions sang kalibutan.
Apang ginpanindugan sang mga scientists nga mahimo nagikan man ang mga ini sa non biological nga proseso.
Ang sample nga ginatawag nga Cumberland ang nakutkot sang Curiosity sadtong 2013 nagikan sa Yellowknife Bay, isa ka lugar sa Gale Crate nga ginapatihan nga isa ka sapa sa Mars kun sa diin mahimo napreserve kag naconcentrate ang mga molecules.
Apisar nga wala Nakita ang mga amino acids ang pagdiskubre sang mga organic compounds ang naghatag sang palaagyan sa bag-o nga paglaom nga mahimo may iban pa nga mga organic molecules nga makita sa idalom sang Mars.
Ginalauman sang NASA nga ang pagdiskubre sa mga ini ang magapapag-on sa plano sang Mars Sample Return mission nga may tinutuyo nga magpadala sang mga sample nagikan sa Mars pabalik sa Earth para sa mas madalom nga research.
