Ipaidalum sa autopsy examination ang lapsag nga yara na sa advance stage of decomposition sang masapwan sa Barangay Alijis, Bacolod City kahapon.
Sa interview sang Bombo Radyo Bacolod kay Department of Social Services and Development (DSSD) Head Alma Gustilo, magapatigayon sang autopsy examination ang Bacolod Police Station 7 agud matumod ang rasun sang kamatayon sang lapsag.
Ini ang magamit naman inkaso nga matumod ang ginikanan sa pagpasaka sang kaso.
Suno kay Gustilo, wala sang CCTV footage sa area kun sa diin ginbilin ang lapsag gani wala sang may nakakita kun sin-o ang nagbilin sini.
Ginalantaw naman nga duha ka adlaw na nga ginbilin sa lugar ang lapsag, rasun nga ini ang yara na sa advance stage of decomposition.
Sila ang nagakoordinar man sa health center sang Barangay Alijis sa pagtsekyar sang listahan sang mga nagabusong nga may due date sa pagbata subong nga Agosto; kasubong man ang mga nakabata na, agud mahibaluan kun yara pa gihapon sa ila paghinakop ang ila nga mga baby.
Pasanyugon pa sang mga ini ang kampanya may kaangtanan sa teenage pregnancy.
Pahanumdom ni Gustilo nga kun indi gid man malikawan ang kaangay nga sitwasyon, kag wala sang ikasarang sa pag-atipan sa bata, mas maayo nga ini ang idul-ong na lamang sa Police Station.
Ini agud malikawan na nga may masapwan na lamang nga lapsag sa higad-higad nga wala na sang kabuhi.
Pinaagi makalikaw pa ang ginikanan nga manabat sa layi sa paglapas sa kinamatarong sang lapsag, nga mahimo mangatubang sang kaso nga abandonement and neglect kag child abuse
