Nagadangat sa 20 million ang ginapahayag nga nastranded nationwide sa ginpatigayon nga duha ka adlaw nga nationwide transport strike sang mga traditional jeepney drivers kag operators.
Sa interview sang Bombo Radyo Bacolod kay MANIBELA Chairman Mar Valbuena, sila ang magapadayun pa sa pagpatigayon sang nationwide transport strike.
Suno diri sa ila assessment sa duha ka adlaw nga protest-rally, nagdangat sa 80 mil tubtob 100 mil ang numero sang mga traditional jeepneys nga wala nagbyahe samtang indi naman magnubo sa 20 million ang nastranded nga pasahero.
Panindugan ni Valbuena nga madamo sang nastranded bangod pipila lamang ang modernized jeepneys.
Pahanumdom sini nga indi lamang mga pasahero ang makaluluoy kasubong man ang mga drivers nga nag-untat sang byahe bangod sila ang wala man sang income.
Panawagan sini nga pamatian sang gobyerno ang ila hingyo kag indi ang peke nga majority.
Panindugan ni Valbuena nga sila nga mga traditional jeepneys ang matuod-tuod nga majority.
