Ginpasiguro ni Councilor Homer Bais, chairman sang Committee on Environment and Ecology sa Sangguniang Panlungsod sa ciudad sang Bacolod nga indi matabo sa ciudad sang Bacolod ang natabo nga pagcollapse sang landfill sa Cebu City.
Madumduman nga nagcollapse ang landfill sa Barangay Binaliw kun sa diin sa karun nagsaka na sa 11 ang patay, 12 ang reported nga injured kag 25 pa ang nagapabilin nga missing.
Kaina sang aga, ginbisita ni Mayor Greg Gasataya, Councilor Homer Bais, kag City Engineers Office Head Engineer Loben Seballos ang sanitary landfill sa ciudad.
Suno kay Councilor Homer Bais, nagpasalig ang ISWIM nga indi matabo sa ciudad ang natabo sa Cebu kag sa nakita sini may yara na sang improvement sa landfill sa Bacolod.
Suno diri, sadto mataas gid ang nagabukid nga basura apang sa karun indi na gid man.
Gindayaw man sini ang pagtumpok sang balas sang ISWIM nga ila ginpurchase para makay-o ang dalan.
