Ginpahayag ni President Ferdinand “Bongbong” Marcos Jr. on nga igaanunsyar sini ang masunod nga Department of Education (DepEd) secretary sa weekend, ini ang kasunod sang resignation ni Vice President Sara Duterte.
Suno kay Marcos, ang DepEd ang indi dapat magpabilin nga wala sang magapamuno bangud kinahanglanon ang mandato sini.
Suno diri, wala man naghatag sang rason si Duterte kun ngaa ginbayaan sini ang pwesto.
Ginpahayag man sang presidente nga nagpamangkot na ini sang mga pangalan agud nga makadesisyon na ini kun sin-o ang masunod nga iappoint nga magabulos kay Duterte.
Madumduman nga nagresign si Vice President Sara Duterte sang tinalikdan nga semana bilang DepEd secretary kag nagresign man ini bilang vice chairperson of the National Task Force to End Local Communist Armed Conflict (NTF-ELCAC).
Nakasaad man sa iya nga resignation letter sang bise presidente nga nagpreparar ini sang 30-day transition plan para sa tanan nga siyam ka strands sa Central Office, kasubong man para sa nagkalain-lain nga Boards and Councils nga ginapangunahan sang
DepEd kag SEAMEO.
