Wala nangin upang para sa South Korea men’s hockey team ang isa ka dako nga sala sa seremonya antes ang ila nga hampang batok sa Bangladesh sa Asian Games, matapos makuha ang kadalag-an sa pihak sang pagpatukar sang national anthem sang North Korea sabaylo nga “Aegukga.” ang national anthem sang South Korea.
Nakibot ang mga players kag opisyal sang South Korea antes ang pag-umpisa sang ila nga Group A clash sang magtukar sa stadium speakers ang national anthem sang ila nga kasumpong nga rehiyon.
Gilayon naman nga gin-correct sang organizer ang sala nga gintukar apang ulihi na bangud may nagluntad na nga pila ka minutos nga discomfort kag tension sa tunga sang stage.
Sa pihak sang pinasahi nga insidente wala naman nagpadala diri ang team sang South Korea kag nakuha pa sang mga ini ang 5-0 victory batok sa Bangladesh.
Kasunod sini pormal nga nag-file sang protesta ang mga opisyal sang South Korean Olympic Committee agud nga magpangayo sang opisyal nga paathag, pasaylo kag nagakaigo nga tikang gikan sa organizing committee agud indi na maliwat ang nasambit nga sala sa mga masunod nga competition.
