Nagpanindugan si National Bureau of Investigation Director Jimmy Santiago nga indi sang mga ini pagpadala ang ila nga pamangkot kay VP Sara Duterte.
Sang Biyernes kuntani natalana ang una nga imbestigasyon sang NBI sa kontrobersyal nga pahayag ni Duterte angot sa pagpapatay kanday PBBM, First Lady Liza Marcos kag House Speaker Martin Romualdez apang wala nagpakita ang bise presidente.
Sa baylo ginhingyo sang kampo ni Duterte nga ipostpone lang anay ang pagtambong sini.
Nagpangayo man ini sang kopya sang mga pamangkot nga mahimo ipamangkot sang panel kalakip na ang kopiya sang complaint nga ginfile batok sa iya.
Apang suno kay Dir. Santiago, indo nila mahatag ang ginapangayo ni VP Sara nga kopiya sang mga pamangkot.
Ang mahatag lamang sang NBI amo ang kopya sang complaint samtang isa lamang ka pamangkot ang mahimo nga advance nga ihatag kay Duterte kag ini ang kun sin-o ang naghatag sang pamahog sa kabuhi sini.
Suno kay Dir. Santiago, may yara pa sang tubtob December 11 agud nga makapreparar ang kampo sang bise presidente.
Apang kung indi ini liwat magpakita si VP Sara sa nasambit nga petsa nga wala sang valid nga rason, prior notice ukon request para sa panibag-o nga re-schedule, mapilitan na ang NBI nga ipadayon ang imbestigasyon kag magpasa sang rekomendasyon sa Department of Justice.
Ginpasiguro naman sang anay judge nga mangin patas ang patigayunon nga imbestigasyon kag pamatian suno diri sang NBI ang tanan nga sabat ni VP Sara Duterte.
