Ginasiguro sang General Manager sang National Housing Authority (NHA) nga sa idalum sang Duterte administration, wala sang substandard nga mga materyales nga gamiton sa AFP/PNP Housing Project sa Brgy. Dos Hermanas, Talisay City.
Suno kay Marcelino Escalada, general manager sang NHA, nga ang disenyo sang mga housing units ang may mataas nga kalidad pati na ang construction methodoly.
Tuyo sang gobyerno nga makapatindog sang 9,000 tubtob 9,500 ka mga units sa bug-os nga pungsod.
Ang Vista Alegre Homes nga ipatukod sa ciudad sang Talisay ang may 15 hectares nga kalaparon kag may ipatindog nga 1,000 ka mga housing units nga nagadangat sa 1-bilyon ang balor sa kabug-usan.
45% sang proyekto ang makadto sa katapo sang Armed Forces of the Philippines (AFP), 45% man ang para sa Philippine National Police (PNP) kag 10% ang tunga-tungaon sang mga miyembro sang Bureau of Fire Protection (BFP), Bureau of Corrections (BUCOR) kag Bureau of Jail Management and Penology.
Ang kada unit ang may 80 sq. meters nga kalaparon kag nagabalor sang 1.1 tubtob 1.2 million.
Ang mga benepisyaro ang may yara sang P4,900 tubtob P5,100 nga monthly fee.
