National Rugby Team Philippine Volcanoes, daog sang duha ka gold medal sa Asia Rugby Emirates Sevens Trophy

Nagdaog sang duha ka bulawan nga medalya ang national rugby team sang pungsod nga Philippine Volcanoes.

Nakuha sang mga ini nga bulawan nga medalya sang men’s and women’s events sa Asia Rugby Emirates Sevens Trophy nga ginpatigayon sa Nepal.

Sang Sabado ginlutos sang men’s team ang Chinese Taipei 27-14 sa finals samtang ginlutos sang women’s team ang India sa score nga 7-5.

Ginpahayag ni Ada Milby ang president sang Philippine Rugby nga tuman ang mga ini nga nalangkag sa kadalag-an sang rugby team sang pungsod.