Madinalag-on nga natapos ang nationwide blood donation campaign, Dugong Bombo 2024.
Nalapawan sang inisyatibo nga ginpatigayon sa 22 ka mga ciudad ang ginalauman, matapos makakolekta sang blood donations gikan sa 4,453 ka mga maalwan nga donors, nga may kabug-usan nga 2,003,850 cc sang dugo, katumbas sang 2,003.85 litro ukon 529.36 ka gallon sang dugo.
Ini ang halos katumbas na sang napulo ka drums sang dugo.
Apisar nga ang event ang una nga nakaplano para sa 24 ka mga ciudad, ginpostpone ang aktibidad sa Naga kag Legazpi City bangod sa bagyo kag ginreschedule sa Nobyembre 23, 2024.
Ang inisyatibo ang gin-organisar in partnership sa Bombo Radyo Philippines Foundation Inc. kag Philippine Red Cross, kaupod sa suporta sang mga local kag national sponsors, kasubong man ang Wala nagatahaw nga commitment sang mga listeners kag volunteers nationwide.
Padayun nga ginakilala sang Philippine Red Cross ang Bombo Radyo Philippines bilang nagapanguna nga organisasyon sa pungsod nga nagakolekta sang pinakamataas nga numero sang blood units nga dulungan ginapatigayon nationwide sa isa lamang ka adlaw.
Ang pagkilala ang nagapakita sang kritikal nga papel sang kampanya sa pag-address sang blood supply shortage sa Pilipinas, partikular na sa panahon sang dengue outbreaks kag ang nakaandan na nga blood shortage kada Nobyembre kag Disyembre.
Ginahalad sang Bombo Radyo Philippines ang kadalag-an sang programa sa linibo nga mga blood donors nga nangin selfless sa padayun nga pagbulig sa pagsalbar sang kabuhi.
Ang ila nga kaalwan ang nagaseguro nga mameet sang mga ospital kag healthcare facilities sa bilog nga pungsod ang nagataas nga demand sa dugo nga nagasalbar sang kabuhi.
Bilang pagpasalamat, tanan nga successful donors ang nakabatun sang snacks, fluid replacement, kag special Dugong Bombo 2024 T-shirt bilang handumanan sa ila partisipasyon.
Apisar sa mga pagpanghangkat, ang Dugong Bombo 2024 ang masanag nga halimbawa sang nagahugpong nga espiritu sang bayanihan, nga nagapakita kun paano ang mga pumuluyo sa nagkalainlain nga bahin sang Pilipinas ang naga isa agud mapataas ang blood reserves, mapasanyog ang pag-isa ukon unity, kag mapalapnag ang kaluoy kag paglaom.
