Magapatigayon sang nationwie nga Oplan Baklas ang Commission on Elections subong nga adlaw kadungan sa pag-umpisa sang campaign period.
Sa interview sang Bombo Radyo Bacolod kay Atty Ian Lee Ananoria, Provincial Election Officer sa Negros Occidental, nahatagan na sang 72 ka oras ang mga kandidato nga kakson ang ila posters sa indi designated poster areas.
Suno diri, dapat sundon sang mga kandidato ang guidelines nga ginpagwa sang COMELEC angot sa pagpangampanya.
Kun wala nagasunod ang kandidato sa insakto nga pagpamutang sang campaign materials, sila ang mahimo padal-an sang notice.
Ang local campaign period ang magadugay sa sulod sang 45 ka adlaw, humalin subong nga adlaw Marso 28 tubtob Mayo 10, 2025.
Samtang, nagpanugyan naman si Negros Occidental Governor Eugenio Jose ‘Bong’ Lacson nga i-enjoy kag maghatag sang respeto sa pagpangampanya.
Suno sa gobernador, magahod gid man ang pagpangampanya apang sigurohon lang nga ang ihambal sa komunidad ang butang nga luyag ipatuman.
Nagpanawagan man ini sa mga supporters nga sundon ang kandidato nga ginasuporthan nga may pagrespeto.
Pahayag ni Lacson, respetohon kun ano man ang mangin outcome sang election result.
