Nangin madinalag-on ang ginpatigayon nga Nationwide Simultaneous Fire Square Roadshow sang Bureau of Fire Protection (BFP) Negros Occidental kadungan sa anibersaryo sang paglunsyar sang Unified 911 System sa pungsod, nga ginhiwat sa STI West Negros University sa Bacolod City.
Sa interview sang Bombo Radyo kay FSupt. Rodel Legaspi, Acting Provincial Fire Marshal sang BFP Negros Occidental, tinutuyo sang aktibidad amo ang fire safety education kag emergency preparedness, ilabi na para sa mga kabataan kag estudyante.
Suno kay Legaspi, ginpakita diri sang mga fire personnel ang mga pamaagi kun ano ang nagakadapat nga himuon kag kun sin-o ang dapat tawagan kun may magluntad nga sunog.
Lakip man sa mga gintudlo ang mga exit drill, pagtudlo sang CPR kag mga emergency procedures.
Ginhatagan sang pagtamod ni Legaspi ang importansya sa pagtudlo sang mga kabataans ang fire safey measures agud makareact sila gilayon sa tion sang emerhensya.
